„Verkið er því ekki einungis áhugaverð ástarsaga,“ sagði Fríða Björk Ingvarsdóttir í Víðsjá í gær, „heldur krufning á því sem knýr okkur áfram sem einstaklinga í leit að vandfundinni hamingju og einingu gagnvart öðrum.“
Fríða Björk flutti frábæran pistil um Ástarmeistarann eftir Oddnýju Eiri Ævarsdóttur. „Höfundur tæpir á flestu sem við þekkjum sem vörður á krókóttum vegum ástarinnar; gráum fiðringi, tantra, fjölást, framhjáhaldi, giftingum, klámvæðingu, siðferði, fordómum og ýmsum öðrum tímanna táknum. Fyrst og síðast fjallar Ástarmeistarinn þó um um glímu einstaklingsins við eigin hugmyndir um sjálfið.“
Pistilinn í heild sinni má lesa eða hlusta á hér.