Bjartur bókaútgáfa hefur gefið út skáldsöguna Mannsævi eftir Robert Seethaler. Mannsævi hefur farið sigurför um heiminn undanfarin ár, hlotið frábæra dóma og var m.a. tilnefnd til alþjóðlegu Booker-bókmenntaverðlaunanna árið 2016.
Andreas Egger er fluttur kornabarn í lítið fjallaþorp í Ölpunum rétt eftir aldamótin 1900. Þar á hann illa vist en persónueinkenni þróast með honum; seigla, líkamlegur styrkur, hneigð til einveru. Egger verður maður verka fremur en orða. Ungur maður ræður hann sig í vinnu hjá verktökum sem hyggjast reisa kláf upp á fjallstind, nútíminn heldur innreið sína í þorpið og við það breytist öll tilvera íbúanna.
Mannsævi eftir Robert Seethaler er afar áhrifamikil bók um mannlega reisn og hæfni til að sigrast á erfiðum aðstæðum. Um leið og saga Eggers er sögð í meitluðum og áreynslulausum stíl, endurspeglar hún á margvíslegan hátt sögu tuttugustu aldarinnar – sögu einnar mannsævi.
Mannsævi er fimmta bók Roberts Seethaler, sem auk þess að vera rithöfundur starfar sem leikari og býr í Berlín.
*****
Berlingske Tidende
„Sérhver setning, hvert orð, öll blæbrigði – allt er nákvæmlega hárrétt. Aðdáunarvert afrek.“
Die Welt
„Snertir mann djúpt“
Sunday Times
„Seethaler hefur skrifað þétta sögu um reisn og fegurð.“
Wall Street Journal
„Viðkvæm og áhrifamikil skoðun á hæfileika mannsins til aðlögunar. Hin margbotna saga Seethalers minnir á að hamingjuna má finna í hinu einfalda og látlausa.“
Booklist