Fréttir

Fimmtudaginn 22. ágúst kemur út lokahnykkurinn í Millennium-bálkinum um Lisbeth Salander og Mikael Blomkvist. Stieg Larsson hóf hann sem kunnugt er með Karlar sem hata konur en síðan komu Stúlkan sem lék sér að eldinum og Loftkastalinn sem hrundi. Larsson féll frá langt um aldur fram en við keflinu tók David Lagercrantz og nú er sjötta og síðasta bókin í flokknum væntanleg. Sú sem varð að deyja er komin á lager en okkur er því miður óheimilt að leyfa öðrum að njóta bókarinnar fyrr en á fimmtudaginn. En þá er líka veisla í vændum!

Fagurskinna er ný deild innan Bjarts & Veraldar sem veitir  einstaklingum, félagasamtökum og stofnunum útgáfuþjónustu. Í því felst forlagsritstjórn, prófarkalestur, hönnun, umbrot, samskipti við prentsmiðjur og síðan útgáfa og eftirfylgni á markaði. Fyrsta bók Fagurskinnu mun líta dagsins ljós á fyrri hluta árs 2020. Í forlagsritstjórn felst meðal annars rækilegur lestur á handriti með tilliti til framsetningar efnis og texta, ráðleggingar um efnisskipan, hugsanlegar styttingar, efnisþætti sem þyrftu aukið vægi, fyrirsagnir, málfar og myndanotkun, þ.m.t. töflur, kort og skýringarmyndir, í samráði við höfunda viðkomandi verks.  Fagurskinna annast hönnun verksins og umbrot, prófarkalestur, samanburð og lokafrágang, skilar verkinu til prentsmiðju og sér um öll samskipti...

Annabelle eftir Linu Bengtsdotter er mest selda kilja landsins, samkvæmt nýjasta metsölulistanum í Eymundsson. Og skyldi engan undra - þetta er frábær glæpasaga!

Lokaþátturinn um Lisbeth Salander og Mikael Blomkvist í Millennium-bálknum er framundan. Síðasta bókin í seríunni eftir David Lagercrantz kemur út um allan heim þann 22. ágúst og um svipað leyti á Íslandi í þýðingu Höllu Kjartansdóttur.

Annabelle eftir Linu Bengtsdotter er næstmest selda bók vikunnar, samkvæmt metsölulistanum í Eymundsson. Það kemur ekki á óvart. Bókin hefur farið sannkallaða sigurför um heiminn eftir að hafa verið valin frumraun ársins í Svíþjóð.