Fréttir
Fagnað með Árelíu!
Það var mikil stemmning þegar Árelía Eydís Guðmundsdóttir fagnaði útkomu skáldsögu sinnar Söru í Kjarvalsstofu, eins og Smartlandið sýndi. Enda full ástæða til - bókin rauk beint á topp metsölulistans í Eymundsson. https://www.mbl.is/smartland/samkvaemislifid/2019/06/20/trodfullt_ut_ur_dyrum_hja_areliu_eydisi/
Eiríkur P. Jörundsson hlýtur Svartfuglinn!
Eiríkur P. Jörundsson hlaut glæpasagnaverðlaunin Svartfuglinn fyrir sögu sína Hefndarenglar sem kom út hjá Veröld í dag. Eliza Reid, forsetafrú og bókmenntafrömuður, veitti verðlaunin í Gröndalshúsi. Samkeppnin um Svartfuglinn er ætluð höfundum sem hafa ekki áður sent frá sér glæpasögu. Höfundarnir Yrsa Sigurðardóttir og Ragnar Jónasson stofnuðu til verðlaunanna í samvinnu við útgefanda sinn, Veröld, og eru þau nú veitt í annað sinn. Í fyrra hlaut Eva Björg Ægisdóttir verðlaunin fyrir sögu sína Marrið í stiganum sem fékk sérlega góða dóma og sat lengi í efstu sætum metsölulista. Marrið í stiganum mun næsta vor koma út í Bretlandi. Verðlaunin nema 500.000 krónum auk hefðbundinna höfundarlauna samkvæmt...
Svartfuglinn – skilafrestur framlengdur!
Öllum til hagræðingar hefur skilafrestur í Svartfuglinn verið framlengdur til 10. janúar næstkomandi. Yrsa Sigurðardóttir og Ragnar Jónasson stofnuðu til þessara í samvinnu við útgefanda sinn, Veröld. Eva Björg Ægisdóttir hlaut fyrst allra verðlaunin í apríl síðastliðnum fyrir Marrið í stiganum sem er ein mest selda bók ársins 2018. Samkeppnin um Svartfuglinn er ætluð höfundum sem hafa ekki sent frá sér áður glæpasögu. Verðlaunin nema 500.000 krónum auk hefðbundinna höfundarlauna samkvæmt rammasamningi Félags íslenskra bókaútgefenda og Rithöfundasambands Íslands. Einnig býðst þeim sem sigur ber úr býtum samningur við umboðsmanninn David H. Headley en tímaritið Bookseller útnefndi hann sem einn af...
Opið um helgina!
Okkur þykir óskaplega gaman að komast í beint samband við vini okkar og lesendur. Því viljum við bjóða þér að koma og versla beint við okkur – eða bara koma og spjalla um nýjustu bækurnar (eða þær gömlu) núna um helgina. Opið á skrifstofutíma á morgun, föstudag en á laugardaginn og á Þorláksmessu kl. 12-15. Margar bækur er að seljast upp, svo sem Kaupthinking eftir Þórð Snæ Júlíusson, Ástin, Texas eftir Guðrúnu Evu, Kópavogskrónika eftir Kamillu Einarsdóttur og fleiri – en við reynum að luma á eintökum!
Opið á laugardag!
Laugardaginn 15. desember verður opið hjá okkur á VÍðimel 38 kl. 12-15 þar sem hægt er að kaupa bækur beint frá býli!