Út er komin hjá Veröld ljóðabókin Allt þetta hugsafn af árum sem kvað vera ævi eftir Sigmund Erni Rúnarsson.
Lesandanum er boðið í heillandi ferðalag gegnum tíma og staði, öræfi hugans og landsins, svo og alla afkima ástarinnar.
Allt þetta hugsafn af árum sem kvað vera ævi er níunda ljóðabók Sigmundar Ernis. Sú fyrsta kom út árið 1980, en þess utan hefur hann sent frá sér sögur og minningar.
Bókin er 70 blaðsíður að lengd. Ólafur Unnar Kristjánsson sá um kápuhönnun og Leturprent prentaði.