Í köldu stríði – Barátta og vinátta á átakatímum

Kalda stríðið skipti íslensku þjóðinni í tvær andstæðar fylkingar. Hér lýsir Styrmir Gunnarsson þeirri óvissu, ótta og tortryggni sem þjóðin bjó við og segir frá aðgerðum sem taldar voru réttlætanlegar við þær aðstæður sem þá ríktu en kunna nú að sýnast álitamál. Sumt af því er jafnvel eldfimt í pólitískri umræðu enn í dag.

Styrmir birtir hér kafla úr leyniskýrslum sem hann vann á sínum tíma og byggðust á upplýsingum sem fengust úr innsta hring í herbúðum „kommanna“. Þá fjallar hann um pólitískar rætur sínar en hluti af fjölskyldu hans var virkur í Flokki þjóðernissinna fyrir heimsstyrjöldina síðari.

En hér segir líka frá pólitískri og menningarlegri vegferð vina Styrmis sem komu úr ólíkum áttum en vinátta þeirra lifði kalda stríðið af.

Hreinskiptin lýsing á veröld sem var.

Í köldu stríði er 287 blaðsíður að lengd. Jón Ásgeir Hreinsson hannaði kápu og Eyjólfur Jónsson braut um. Oddi prentaði.