Þau sem urðu eftir

Rakel fær ábendingu um að taka fyrir ríflega þrjátíu ára gamalt hvarf unglingsstúlku í hlaðvarpi sínu. Hún ákveður að kanna málið og fljótlega kemst hún að því að ekki eru allir ánægðir með að hún sé að grafa upp fortíðina. Og sjálf þarf Rakel að takast á við nýjan veruleika eftir að kunnugleg kona hringir óvænt bjöllunni heima hjá þeim hjónum.

Í Þau sem urðu eftir sýnir Eva Björg Ægisdóttir enn og aftur að hún er glæpasagnahöfundur í fremstu röð. Eva Björg er margverðlaunuð fyrir bækur sínar, bæði heima og erlendis.

„Eva Björg er frábær höfundur og tekst ævinlega að skapa áhugaverðar og spennandi fléttur. Þessi er svo grípandi að það er engin leið að leggja hana frá sér fyrr en henni er lokið.“ Steingerður Steinarsdóttir, Lifðu núna