Mistur

Mistur eftir Ragnar Jónasson var ein mest selda bók ársins 2017, hlaut einróma lof gagnrýnenda og bóksalar völdu hana sem eina af þremur bestu skáldsögum ársins. Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.

„Gífurlega spennandi.“ **** Ágúst Borgþór Sverrisson, DV 

„Mistur er ekki aðeins góð glæpasaga heldur er skyggnst inn í hugarheim helstu persóna og þá baráttu sem þær standa í.“ Steinþór Guðbjartsson, Morgunblaðinu

 „Frábærlega vel uppbyggð bók. … Við unnendur spennusagna segi ég: Lesið þessa bók … Þrælspennandi. Þarna er spenna svo manni er stundum ekki rótt. … Ég fullyrði að þetta er langbesta bók Ragnars. Mikil spenna út í gegn. Lesið þessa bók!“ Kolbrún Bergþórsdóttir, Kiljunni

 „Mjög spennandi bók, Ragnar er að útvíkka formið með mjög góðum árangri.“ Katrín Jakobsdóttir

„Spennandi og vel fléttuð saga, tvímælalaust besta bók höfundar.“ Brynhildur Björnsdóttir, Fréttablaðinu