Íslenskt þjóðerni og viðhorf til sjálfstæðis og fullveldis hafa allt frá lýðveldisstofnun einkennt umræður – og deilur – um samband Íslands við aðrar þjóðir. En hvernig skynjum við okkur sem þjóð? Og hvernig hefur það haft áhrif á samskipti okkar við umheiminn? Í þessari stórfróðlegu bók fjallar Eiríkur Bergmann um það hvernig þjóðernishugmyndir hafa sett mark sitt á umræður um samskipti Íslands við önnur ríki, allt frá inngöngunni í NATO til átakanna um IceSave og aðild að Evrópusambandinu.
Eiríkur Bergmann er doktor í stjórnmálafræði, dósent við Háskólann á Bifröst og gestafræðimaður við Queen Mary-háskólann í London. Hann er einn helsti sérfræðingur Íslendinga í Evrópumálum.
