Ég læt sem ég sofi

Einstæð móðir tveggja barna fær íbúð leigða á mjög góðum kjörum en kemst fljótlega að því að það er engin tilviljun. Húsið á sér afar sorglega sögu. Lögreglan er send heim til smákrimma og þar finnst fyrir tilviljun taska sem kann að varpa ljósi á margra ára gamalt mál – þegar ung stúlka hvarf úr garðskúr og sást aldrei aftur.

Ég læt sem ég sofi er fjórða og síðasta bókin um lögreglumennina Karó og Tý og réttarmeinafræðinginn Iðunni en serían hófst á Lok, lok og læs. Bækurnar hafa notið mikilla vinsælda og hlotið lof heima og erlendis.

„Engin leið að sjá hver morðinginn er ... besta spennusagan í ár ... mér finnst hún snjöll, mér finnst hún flott ... gleypti hana í mig.“ Ingibjörg Iða Auðunardóttir, Kiljan

„Mjög skemmtileg ... hafði gaman af að lesa hana.“ Kolbrún Bergþórsdóttir, Kiljan

★★★★ Steinþór Guðbjartsson, Morgunblaðinu

„Bráðsnjöll, spennandi og skemmtileg sakamálasaga. ... Yrsa sannar hér enn og aftur að hún er fljúgandi fær og hér nýtur sín vel kímni hennar og gott auga fyrir því sem er kómískt í fari manna. Hún kann líka öðrum betur að nýta sér skrýtnar tilviljanir og það hvernig tilviljanirnar geta stundum raðast saman á stórmerkilegan hátt. Henni tekst að gera þetta allt trúverðugt og sagan gengur fyllilega upp.“ Steingerður Steinarsdóttir, Lifðu núna