Strákurinn í röndóttu náttfötunum
John Boyne

Strákurinn í röndóttu náttfötunum

Fullt verð 0 kr 0 kr

Veröld hefur gefið út í kilju írsku skáldsöguna Strákurinn í röndóttu náttfötunum eftir John Boyne í þýðingu Áslaugar Agnarsdóttur og er þetta frumútgáfa á íslensku. Bruno, sem er níu ára þýskur drengur í síðari heimsstyrjöld, veit ekkert um helförina eða grimmdarverk landa sinna erlendis. Dag einn flytur fjölskyldan úr notalegu húsi þeirra í Berlín og upp í sveit þar sem hann hefur engan til að leika við.
Þar kynnist hann Shmuel; strák sem lifir undarlegu lífi handan girðingar og klæðist þar að auki röndóttum náttfötum – eins og allir aðrir hinum megin gaddavírsins. En vinátta Brunos og Shmuels á eftir að draga dilk á eftir sér og hafa ófyrirsjáanlegar afleiðingar.

Bókin hefur verið hlaðin lofi um víða veröld og nægir þar að nefna að Guardian sagði að þetta væri “undraverð skáldsaga”, USA Today að hún væri “kraftmikil og hrífandi” og gagnrýnandi Irish Independent komst svo að orði: “Þessi bók er svo einföld, svo áreynslulaus að hún nálgast fullkomnun. Ég sat eftir með tárin í augunum.”

Hollywoodmynd á leiðinni
Framleiðendur Harry Potter myndanna, kvikmyndafyrirtækið Heyday, hefur nú lokið framleiðslu á kvikmynd byggðri á bókinni og verður hún frumsýnd innan skamms.

Áslaug Agnarsdóttir þýddi Strákinn í röndóttu náttfötunum en Ásta S. Guðbjartsdóttir hannaði kápu og braut um. Bókin, sem er 185 blaðsíður að lengd, er prentuð í Danmörku.


Fleiri bækur