Bráðin
Yrsa Sigurðardóttir

Bráðin

Fullt verð 3.500 kr Tilboðsverð 6.999 kr

Björgunarsveitir eru sendar inn í Lónsöræfi í leit að hópi fólks sem er saknað. Hvaða erindi áttu þau í óbyggðir um hávetur? Af hverju yfirgáfu þau það litla skjól sem þau höfðu, illa búin og berskjölduð? Á sama tíma gerast undarlegir atburðir á ratsjárstöðinni á Stokksnesi. Og á nesinu er gat í sjávarklöpp sem sogar til sín fólk ...

Hér er ekki allt sem sýnist, hvort sem það er blóðblettur í snævi þöktu landslagi fjarri mannabyggðum, truflanir á ratsjá – eða barnsskór sem kemur óvænt fram áratugum eftir að hann hvarf. 

Bráðin eftir Yrsu Sigurðardóttur er mögnuð saga sem fær hárin á lesandanum til að rísa.

„Andrúmsloftinu má líkja við gos í hver. Fyrst er allt rólegt á yfirborðinu, svo mallar það, kraumar, síðan er allt á suðupunkti áður en allar varnir springa svo ekkert verður við ráðið. ... Bráðin veldur andvökunóttum. Sagan er spennandi og uppbygging góð, aðstæður eru ógnvekjandi á stundum og valda hugarangri“ ⭐️⭐️⭐️⭐️1/2 Steinþór Guðbjartsson, Morgunblaðinu 

„Allir söguþræðirnir eru æsispennandi og ríghalda og lesandinn er skilinn eftir með allar taugar þandar og óbragð í munni ... Spennu- og draugasaga sem rígheldur og erfitt er að leggja frá sér.“ Brynhildur Björnsdóttir, Fréttablaðinu

„Mér finnst henni takast rosalega vel að búa til þennan óhugnað og hrylling án þess að fara of langt. ... Góð Yrsa.“ Sunna Dís Másdóttir, Kiljunni

„Mér finnst Yrsa vera í stuði í ár ... hún er í góðum gír í þessari bók. Góð Yrsa.“ Sverrir Norland, Kiljunni

 

 


Fleiri bækur