Það sem ekki drepur mann - bíókilja

Það sem ekki drepur mann er sjálfstætt framhald Millennium-þríleiksins, en fyrsta bókin, Karlar sem hata konur kom út árið 2004, skömmu eftir að Stieg Larsson lést, rétt rúmlega fimmtugur. David Lagercrantz spinnur hér áfram þann þráð sem Stieg Larsson entist ekki aldur til að ljúka við. 

Fremsti sérfræðingur heims í gervigreind er myrtur á heimili sínu í Stokkhólmi þrátt fyrir að vera undir lögregluvernd. Einhverfur sonur hans verður vitni að ódæðinu. Það eru áfram rannsóknarblaðamaðurinn Mikael Blomkvist og tölvusnillingurinn Lisbeth Salander sem í sameiningu glíma við flókin mál, eins og þeim einum er lagið.

Sagan hefur nú verið kvikmynduð.

„Það sem ekki drepur mann ber með sér kjarnann og andann í Millenium-þríleiknum ... Það er ljóst að aðdáendur Lisbeth Salander munu áfram vilja fylgjast með henni.“ The Times

„Ósvikin spenna.“ Observer

„Salander og Blomkvist hafa lifað af höfundaskiptin og eru jafn heillandi og áður.“ The New York Times