Í þessari nýju og áhrifamiklu ljóðabók yrkir Ragnheiður Lárusdóttir um þá sáru reynslu að horfa á dóttur lenda í fjötrum fíknar – en líka um þá töfra tilverunnar sem
umlykja okkur þrátt fyrir allt. Ljóðmál Ragnheiðar er beinskeytt og sterkt, eins og lesendur þekkja úr þremur fyrri bókum hennar – sem allar fylgja með í þessari bók.
Þegar bæði sól og tungl eru á lofti
sendir kvöldsólin mér geisla
um æðar mér
rennur eldheitt
appelsínurautt sólarblóð
mávur flýgur
milli tveggja hnatta
handan við hafblámann
mótar fyrir útlínum jökuls
Fyrri ljóðabækur Ragnheiðar; 1900 og eitthvað (2020), Glerflísakliður (2021) og Kona/Spendýr (2022); fylgja allar með þessari nýju í einni bók.
