Glerflísakliður

Ferðalag

Minnið hennar mömmu

fór í óvænt ferðalög

hún sem hafði stálminni

fór að muna ýmislegt

sem hún hafði aldrei lifað

hún sagði okkur líka sögur

af okkur sjálfum

sem við könnuðumst ekki við

hún gaf sumum nýja maka

og setti aðra í ókunn lönd

líf okkar varð ævintýralegra

Glerflísakliður er önnur ljóðabók Ragnheiðar Lárusdóttur, en fyrir fyrstu bók sína, 1900 og eitthvað, hlaut hún Bókmenntaverðlaun Tómasar Guðmundssonar árið 2020.

„Einstaklega vel unnin og falleg ljóðabók ...Stóra spurningin um lífshamingjuna liggur hér undir og það er hreinlega á við gott súkkulaði að sökkva sér ofan í þessa bók.“ Steingerður Steinarsdóttir, Vikunni