Ekki gleyma mér
Ekki gleyma mér
Kristín Jóhannsdóttir

Ekki gleyma mér

Fullt verð 3.990 kr 0 kr

„Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. Af hverju hvarf hann fyrirvaralaust úr lífi mínu? Af hverju heyrðist ekkert í honum eftir að múrinn féll? Hafði hann eitthvað að fela?“

Kristín Jóhannsdóttir hélt til náms austur fyrir járntjald árið 1987. Sú vist átti eftir að marka hana fyrir lífstíð. Í tvo áratugi sat hún á sér en gat svo ekki meir. Hafði maðurinn sem hún elskaði bara verið ómerkilegur Stasí-njósnari? Hvað með aðra vini sem hún eignaðist á þessum sögulegu tímum?

Kristín Jóhannsdóttir er forstöðumaður Eldheima í Vestmannaeyjum. Hún var um langt árabil fréttaritari Ríkisútvarpsins í Berlín. Ekki gleyma mér er áhrifamikil minningasaga þar sem hún gerir upp heitar nætur í köldu stríði í einræðisríki á fallanda fæti. Þetta er hrífandi bók sem dregur upp áleitna mynd af veröld sem var og lætur engan ósnortinn.

„Stórmerkileg og grípandi – allt í senn einlæg ástarsaga, feimnislaus sjálfsskoðun, hispurslaust uppgjör við kalda stríðið og nákvæm krufning á lamandi áhrifum pólitískrar kúgunar, leyndar og tortryggni á líðan fólks og samskipti … Þessi saga á meira erindi við samtímann en ætla mætti í fljótu bragði.“ Gísli Pálsson, prófessor og rithöfundur


Fleiri bækur