Þrútið var loft og þungur sjór

Þrútið var loft og þungur sjór eftir Steinar J. Lúðvíksson er afar fróðleg og áhugaverð bók um sjóskaða við strendur Íslands. Hér segir frá skipbrotsmönnum hringinn í kringum landið fyrr á tíð, giftusamlegum björgunum, hörmulegum mannsköðum, gjörningaveðrum, feigð og baráttu við landhelgisbrjóta.

Þá fjallar Steinar ýtarlega um hákarlaveiðar sem stundaðar voru við erfiðar aðstæður á vanbúnum bátum í illum veðrum en Grænlandshákarlinn getur orðið allt að sjö metra langur. Steinar J. Lúðvíksson er kunnastur fyrir stórvirki sitt, Þrautgóðir á raunastund, sem kom út í nítján bindum og naut fádæma vinsælda. Hér hefur hann tekið saman einstakar frásagnir af hetjum hafsins – frásagnir sem öðlast nýtt líf í meðförum hans. 

„Með sinni einstöku frásagnargáfu dregur [Steinar] upp lifandi myndir af hetjum hafsins og því hvernig náttúran hefur alla tíð sett íslensku þjóðinni mörk. ... bók fyrir alla sem hafa áhuga á hetjum hafsins og óttanum sem fylgir því að horfast í augu við náttúruöflin.“ Jana Hjörvar, Lestrarklefinn