Stelpur sem ljúga

Einstæð móðir hverfur af heimili sínu en skilur eftir miða með skilaboðum á eldhúsborðinu. Í fyrstu er talið að hún hafi fyrirfarið sér en þegar illa farið lík finnst í Grábrókarhrauni sjö mánuðum síðar standa lögreglukonan Elma og samstarfsmenn hennar frammi fyrir flókinni morðgátu.
Fimmtán árum fyrr liggur nýbökuð móður á fæðingardeild og hefur óbeit á barninu sem liggur við hlið hennar. 

Stelpur sem ljúga er grípandi og mögnuð spennusaga um það hvernig brotin æska og áföll geta leitt til skelfilegra atburða síðar á lífsleiðinni. 

Eva Björg Ægisdóttir hlaut fyrst allra glæpasaganaverðlaunin Svartfuglinn fyrir frumraun sína Marrið í stiganum. Bókin fékk mikið lof, sat vikum saman í efstu sætum á metsölulistum og er nú væntanleg á markað erlendis. Stelpur sem ljúga sýnir glöggt að Eva Björg er á meðal okkar fremstu glæpasagnahöfunda. 

„Eva Björg á vonandi eftir að gefa frá sér fleiri glæpasögur með jafngóðum árangri, allavega bíða lesendur líklega spenntir eftir þeirri næstu.“ ⭐️⭐️⭐️⭐️ Þorgerður Anna Gunnarsdóttir í Morgunblaðinu 

„Æsispennandi.“ Brynhildur Björnsdóttir, Fréttablaðinu

„... óvænt og vel gert.“ Guðríður Haraldsdóttir, Vikunni

„Persónusköun er vönduð í bókinni, sem skapar dýpt. ... Ég var virkilega hrifin af þessari bók ... spennandi, heldur manni allan tímann ... Ég hlakka til að lesa meira eftir Evu Björgu, hún lofar góðu sem glæpasagnahöfundur.“  ⭐️⭐️⭐️⭐️ Lilja Magnúsdóttir, lestrarklefinn.is

„Feikilega vel skrifuð bók, listilega uppbyggð og afar spennandi. Höfundi tekst að halda spennunni fram til loka og það er ekki fyrr en á síðustu blaðsíðunum sem púslin raðast upp í heillega mynd.“ Brynhildur Heiðar- og Ómarsdóttir, Orð um bækur, Rás 1