Snjóblinda
Ragnar Jónasson

Snjóblinda

Fullt verð 3.990 kr 0 kr

Árið 2015 hófst mikil sigurför glæpasögunnar Snjóblindu eftir Ragnar Jónasson um heiminn. Bókin náði meðal annars efsta sæti á metsölulista Amazon í Bretlandi og í Ástralíu, fyrst íslenskra skáldsagna.

Stórblaðið Independent valdi Snjóblindu sem eina af átta athyglisverðustu glæpasögum ársins. Í umfjöllun um bókina í The Times á dögunum kom fram að breskir unnendur glæpasagna þekktu tvo frábæra íslenska höfunda, Arnald og Yrsu. „Hér kemur sá þriðji: Ragnar Jónasson.“

Rétturinn á Snjóblindu hefur nú verið seldur til Bandaríkjanna, Þýskalands, Frakklands, Ítalíu og Póllands, Japans, Suður-Kóreu og Armeníu, fyrir utan gjörvallt breska samveldið. Samanlagt hefur því tæplega helmingur jarðarbúa eða þrír milljarðar manna möguleika á að lesa bókina – og þeim fer sífellt fjölgandi.

Snjóblinda hefur verið uppseld og ófáanleg á Íslandi um langa hríð en er nú endurútgefin í tilefni af hinni miklu velgengni ytra.

„Bækur Ragnars hafa blásið nýju lífi í norrænu glæpasöguna.“
Sunday Express

„Í Snjóblindu birtast heillandi leiftur af myrkum og hrikalega ógnvekjandi sviðum mannlífsins.“
Independent

„Breskir aðdáendur norrænna glæpasagna þekkja tvo frábæra íslenska rithöfunda, Arnald Indriðason og Yrsu Sigurðardóttur. Hér kemur sá þriðji: Ragnar Jónasson.“ The Times

Snjóblinda er 290 blaðsíður að lengd. Um kápuhönnun sá kid-ethic.com. Bókin er prentuð í Odda.


Fleiri bækur