Lungu
Pedro Gunnlaugur Garcia

Lungu

Fullt verð 5.500 kr 0 kr

„Í þessari fjölskyldu gleymdi fólk aldrei því sem einu sinni var sagt – og talaðist þar af leiðandi ekki við.“

Lungu er fjölskrúðug skáldsaga sem teygir anga sína vítt og breitt um tuttugustu öldina og langt inn í fjarlæga framtíð: frá Toskana við upphaf fyrri heimsstyrjaldar þar sem óhóflegt ólífuát bjargar hinum unga Enzo undan herþjónustu, til innflytjendahverfa Toronto-borgar þar sem táningsstúlka verður ástfangin af dularfullum umrenningi, þaðan til Hörgárdals þar sem risavaxni haninn Júpíter ræður ríkjum, og loks til Reykjavíkur ársins 2089.

Pedro Gunnlaugur Garcia tekst í þessari mögnuðu bók á við áleitnar spurningar sem varða líf og dauða af óvenjulegu hispursleysi, um leið og hann skemmtir lesandanum af einlægri frásagnargleði. Pedro vakti mikla athygli fyrir síðustu skáldsögu sína, Málleysingjana, sem hlaut Nýræktarstyrk Miðstöðvar íslenskra bókmennta.

„Ég hafði feikilega ánægju af að lesa þessa bók ... Hún svoleiðis gleypir mann í sig. ... Ein af uppgötvunum flóðsins ... Ein af bestu bókum vertíðarinnar.“ Egill Helgason, Kiljunni

„Hver einasta persóna hillaði mig.“ Sunna Dís Másdóttir, Kiljunni

Mig langar að mæla með þessari stóru, miklu og óvenjulegu bók eftir feykilega flinkan höfund ... Ég gleypti hana í mig. ... Bravó, Pedro Gunnlaugur Garcia. Beint í mark. Þið hin – lesið!“ Sverrir Norland

„Mögnuð bók.“ María Elísabet Bragadóttir

„Þessi er rosaleg." Brynja Hjálmsdóttir

 


Fleiri bækur