Kistan – og fleiri sögur
Kistan — og fleiri sögur hefur að geyma safn smásagna eftir Ragnar Jónasson og kemur út í tilefni af stórafmæli hans. Sögurnar átján hafa orðið til á löngum tíma og skrifaðar af ýmsum tilefnum. Allar hafa þær birst erlendis og um helmingur á íslensku í blöðum og tímaritum. Tvær af sögunum skrifaði Ragnar í samstarfi við aðra, Yrsu Sigurðardóttur og Víking Heiðar Ólafsson.
Titilsagan Kistan var tilnefnd til Gullrýtingsins sem besta glæpasmásaga ársins 2026 í Bretlandi. Sögurnar draga vel fram helstu styrkleika Ragnars sem rithöfundar og ráðgátumeistarinn fer á kostum í knöppum sögum með óvæntum endalokum.
„Heimsklassa glæpasagnahöfundur.“ Sunday Times
„Enginn venjulegur rithöfundur.“ The Times
„Einhver besti glæpasagnahöfundur heims nú um stundir.“ Daily Mail
