Fleiri bækur

Einmana prímtölur
Paolo Giordano

Einmana prímtölur

Fullt verð 990 kr 0 kr

Prímtölur eru tölur sem engin heil tala gengur upp í nema einn og talan sjálf.

Þegar Alice og Mattia kynnast á  unglingsárum eru þau hvort um sig mörkuð af skelfilegri  bernskureynslu. Þau eru á skjön við umhverfi sitt, einfarar í

eilífu mótstreymi, en laðast hvort að öðru og vinátta þeirra lifir fram á fullorðinsár. Fortíðin vakir þó sífellt yfir þeim og mótar þroska þeirra og samskipti.

Alice og Mattia eru tvær einmana prímtölur, þó þau eigi  margt sameiginlegt eru þau föst hvort á sínum stað. Svo gerist  atburður sem breytir öllu og ekkert verður eins og áður.

Einmana prímtölur er fyrsta skáldsaga Ítalans Paolos Giordano (f. 1982) en fyrir hana hlaut hann hin virtu Premio Strega-verðlaun og varð þar með yngsti verðlaunahafinn í sögu þeirra. Bókin fer nú mikla sigurför um heiminn. Giordano er  eðlisfræðingur að mennt og býr í Torino.

Hjalti Snær Ægisson þýddi.

Einmana prímtölur er  64. bókin í hinum föngulega bókaflokki NEON. Stundum kallaður besti bókaklúbbur í heimi.

„Vel skrifuð bók … melankólísk en undarlega fögur lesning.“
The Guardian

„Ótrúlega hæfileikaríkur höfundur.“
Corriere della Sera


Fleiri bækur