Vegurinn

Bók áratugarins, samkvæmt stórblaðinu The Times.

Heimsendir hefur orðið. Vegurinn lýsir göngu feðga yfir sviðna jörð, himinninn er grár, aska yfir öllu, dýralíf hefur liðið undir lok, mannætur ráfa um með tægjur á milli tannanna, en feðgarnir berjast við að halda lífi og reisn. Hvað stendur eftir þegar allt  er hrunið? Hvar á maður höfði sínu að halla? Og hvað með vonina?

Cormac McCarthy (Rhode Island, 1933) hefur skrifað tíu skáldsögur. Sú fyrsta, The Orchard Keeper, kom út árið 1965. Árið 1992 kom út bókin All the Pretty Horses sem ávann höfundinum hin virtu National Book Award og fyrir Veginn hlaut hann Pulitzer verðlaunin árið 2007.  
Hinn virti gagnrýnandi Harold Bloom hefur kallað Cormac McCarthy einn af fjórum mikilvægustu skáldsagnahöfundum Bandaríkjanna í dag – hinir eru Don DeLillo, Thomas Pynchon og Philip Roth.

Þýðandi er Rúnar Helgi Vignisson

ISBN: 978-9979-657-95-8
Kápa: Weinstein Co. / Dynamo Reykjavík
Prentun: Oddi, Reykjavík