Fáir geta miðlað upplýsingum um veðurfræði á eins aðgengilegan og lifandi hátt og Siggi stormur. Í bókinni Íslandsveður – Hamfarir, veður og fróðleikur úr sögu og samtíð alla daga ársins fjallar hann ásamt Hólmfríði Þórisdóttur á áhugaverðan hátt um það hvernig menn geta lesið í veðrið upp á eigin spýtur.
· Upplýsingar um hvernig gera á að sínar eigin veðurathuganir.
· Veðurdagbók þar sem hægt er að skrá sínar eigin athuganir dag fyrir dag.
· Ítarlegur annáll veður- og náttúrúhamfara alla daga ársins.
· Margvíslegur þjóðlegur fróðleikur og tilvitnanir í bókmenntir sem tengjast veðri.
· Grundvallarhugtök í veðurfræði útskýrð.
Íslandsveður er í senn nytsamleg veðurdagbók og fróðleiksnáma um veðrið sem á erindi inn á hvert heimili.
Íslandsveður er 296 blaðsíður að lengd. BÓT/Ólafur Tryggvi Magnússon braut bókina um og BÓT/Björg Vilhjálmsdóttir hannaði kápu og innsíður. Bókin er prentuð í Odda.
