Fóstur

Sumarið er óvenjulega heitt og þurrt á Írlandi þar sem lítil stúlka er send í fóstur til ættingja og veit ekki hvenær hún fer aftur heim. Þótt hún þekki ekki fólkið upplifir hún hlýju og umhyggju sem hún hefur ekki áður kynnst og smám saman blómstrar hún í þeirra umsjá. En það er eitthvað ósagt á snyrtilega sveitabænum og stúlkan lærir að oft fara sorg og sæla hönd í hönd.

Fóstur er falleg og afar áhrifamikil saga sem sýnir enn fágæta hæfileika Claire Keegan til þess að ná fram tilfinningalegri dýpt í knöppu og hnitmiðuðu formi. Fóstur hefur hlotið margvísleg verðlaun og viðurkenningar, líkt og saga hennar Smámunir sem þessir sem hlaut frábærar viðtökur á íslensku.

Helga Soffía Einarsdóttir þýddi Fóstur, rétt eins og bók Keegan sem kom út á íslensku 2023, Smámunir sem þessir.

„Lítið meistaraverk ... algjör dásemd, óskaplega falleg saga, gríðarlega vel byggð ... það runnu tár ... maður fellur í stafi ... hreinlega tárast.“ Kolbrún Bergþórsdóttir, Kiljunni

„Töfrum líkust ... um leið og maður klárar hana vill maður lesa hana aftur ... ennþá betri við annan lestur ... Þetta er ástæðan fyrir því að við lesum sögur ... maður gleymir henni aldrei. Frábær þýðing.“ Ingibjörg Iða Auðunardóttir, Kiljunni

„Sannkallaður gimsteinn.“ Irish Independent

„Lítið kraftaverk.“ Sunday Times

Um Smámunir sem þessir:

„Ótrúlega vel gert. ... Alveg frábær.“ Egill Helgason, Kiljunni

„Perla! Lestu þessa! Lestu þessa! Lestu þessa! ... Bók sem allir verða að lesa.“ Kolbrún Bergþórsdóttir, Kiljunni

„Sláandi ... feikilega áhrifarík, lítil bók.“ Þorgeir Tryggvason, Kiljunni

„Smámunir sem þessir er mjög hefðbundin saga í stíl og frásagnarhætti en afar vel sviðsett, skrifuð og byggð. Og áhrifarík er hún, svo sannarlega.“ ⭐️⭐️⭐️⭐️1/2 Einar Falur Ingólfsson, Morgunblaðinu