Hannes – Handritið mitt

Saga Hannesar Þórs Halldórssonar leikstjóra og fyrrverandi landsliðsmarkvarðar er engri lík. Hannes lék sem atvinnumaður í knattspyrnu víða um lönd og var lykilmaður í sögulegum árangri karlalandsliðsins á EM 2016 og HM 2018. En leið Hannesar á toppinn var þyrnum stráð.

Á unglingsárum glímdi Hannes við erfið meiðsli, tæknileg færni hans var takmörkuð og hvað eftir annað hékk ferillinn á bláþræði. En Leiknisstrákurinn í skræpóttu markmannstreyjunni sigraðist á öllu mótlæti og stóð að lokum á stærsta sviði knattspyrnunnar andspænis sjálfum Lionel Messi.

Í bókinni fjallar Hannes einnig um störf sín í kvikmyndaiðnaðinum en hann hefur meðal annars leikstýrt bíómyndinni Leynilögga og sjónvarpsþáttaröðinni Iceguys.

Bókin er prýdd fjölda mynda sem margar hafa ekki komið áður fyrir almenningssjónir. Hannes Þór – handritið mitt er skemmtileg og fróðleg bók um það hvernig hægt er með seiglu og ódrepandi viljastyrk að ná markmiðum sínum.